Хэрэглэгчийн булан

Хэрэглэгчийн эрх, үүрэг

УС ХЭРЭГЛЭГЧИЙН ЭРХ, ҮҮРЭГ

1. Хэрэглэгч нь стандартад нийцсэн цэвэр усаар хангуулах, хэрэглээнээс гарсан бохир усаа хангагчийн шугам сүлжээнд нийлүүлэх,
2. Хэрэглэгч өөрийн эзэмшилд байгаа шугам сүлжээ, тоног төхөөрөмжийн бүрэн бүтэн байдлыг хангах, засвар, үйлчилгээ хийх ажлыг өөрийн хөрөнгөөр гүйцэтгэнэ.
3. Хэрэглэгч өөрийн эзэмшилд байгаа тоног төхөөрөмж, шугам сүлжээнд гэмтэл учруулсан бол шаардагдах  засварыг өөрөө, бололцоогүй бол хангагчаар хийлгэж, гарсан зардлыг төлөх,
4. Хэрэглэгч нь хангагчийг тоолуурын заалт, лац, шугам сүлжээ, тоног төхөөрөмжид үзлэг, шалгалт хийх зэрэг үйл ажиллагаагаа явуулах нөхцөл бололцоогоор хангах үүрэгтэй,
5. Хэрэглэгч нь цэвэр ус түгээх, хэрэглээнээс гарсан бохир ус татан зайлуулах үйлчилгээний төлбөрийг тухайн сард нь багтаан дараа сарын 01-ний дотор төлөх үүрэгтэй
6. Тооцооны хэмжих хэрэгслийн гэмтэл, эвдрэл нь хэрэглэгчээс шалтгаалаагүй, эсвэл тооцооны хэмжих хэрэгслийг шалгаж засварлах, баталгаажуулах зорилгоор шугамаас салгасан бол өмнөх 3 сард хэрэглэсэн цэвэр ус, татан зайлуулсан  бохир  усны  хэмжээний  дунджаар тооцно.
7. Хэрэглэгч нь энэхүү гэрээний 3 дугаар зүйлийн 1-д заасан зөрчил гаргасан, энэ нь өөрийн болон бусдын эд хөрөнгө, материалд хохирол учруулсан бол тухайн хэрэглэгч хохиролыг 100% барагдуулна.
8. Хэрэглэгч нь гэрээгээ цуцлах шаардлага гарсан тохиолдолд хангагч байгууллагад бичгээр ажлын 5 хоногийн өмнө урьдчилан мэдэгдэнэ.
9. Хэрэглэгч  нь  цэвэр  усаар  хангуулах , бохир усыг  татан зайлуулах үйлчилгээг авах бол хангагч байгууллагад хандаж зөвшөөрөл авч ус ашиглалтын гэрээг хариуцсан ажилтантай байгуулна.
10. Хэрэглэгч өөрсдийн хэрэглээний бохирыг зайлуулахдаа Эрчимийн зүүн талд байрлах насос станцын анхны худагт хийх
11. Бохироо зайлуулахдаа насос станцын ээлжинд гарч буй машинистад тэмдэглүүлэх
12. Ийм тохиолдолд бохир усны бичилтийг цэвэр усны заалтаар тооцно.
13. Хэрэглэгч нь жилд 2 удаа /хагас жилээр, жилийн эцэст/ -хангагч байгууллагад ирж нягтлан бодогчтой тооцоо нийлж, тооцоо нийлсэн актад гарын үсэг зурж баталгаажуулах

 

ДУЛААН ХЭРЭГЛЭГЧИЙН ЭРХ, ҮҮРЭГ

1. Дулаан хэрэглэгч нь гадна агаарын температураас хамааруулсан графикийн дагуу /хавсралтад хийгдсэн/ зохих температур бүхий дулаанаар хангуулах эрхтэй.
2. Хангагч байгууллагаас бүрэн хамаарсан эвдрэл гэмтэл, саатал гарч хэрэглэгч байгууллагад хохирол учирсан тохиолдолд халаалтын үнийг зохих хувиар бууруулан тооцох эрхтэй.
3. Хэрэглэгч нь хэрэглэсэн дулааны тооцоог нийлж баталгаажуулах, өр төлбөрөө бүрэн барагдуулсан байх
4. Хэрэглэгч нь дулаан авах байрны дулааны шугамын оролт, буцалт дээр хаалт, хянах хэмжих хэрэгсэл байрлуулж тэр хэмжүүрийн заалтаар хангагчийн дулааны чанарын төлбөрийн тооцоог хийнэ.
5. Дулаан хэрэглэгч байгууллага нь байрандаа дулааны хянах хэмжих хэрэгсэл байхгүй бол дулаанаар хангагч байгууллагаас гаргасан гаралтын температураар тооцоо хийлгэнэ.
6. Хэрэглэгч нь өөрийн эзэмшлийн дулааны шугам сүлжээнд халаалтын бусад улиралд засвар үйлчилгээ хийх, дулаалгын ажлыг хариуцан гүйцэтгэнэ.
7. Хэрэглэгч байгууллага нь халаалт авах бололцоо нехцөлийг бүрдүүлж хангагч байгууллагад галлагаа эхлэхээс 15-20 хоногийн өмнө мэдэгдэн шалгуулна.
8. Галлагааны үед хэрэглэгчийн буруугаас халаалт авахгүй тохиолдолд халаалтын үнийг хөнгөлөхгүй бегеед төлбөрийг 100% төлнө.
9. Дулаан хангах аж ахуйн гэрээг жил бүр  байгууллага дээр дүгнэж байх.
10. Хэрэглэгч нь гэрээг цуцлах, нэмэлт өөрчлөлт оруулах тохиолдолд хангагч байгууллагад 14 хоногийн өмнө урьдчилан мэдэгдэнэ.
11. Гэрээний 2 дугаар зүйлийн 8 дахь заалтад заасан хугацаанд ирсэн нэхэмжлэлийг үндэслэн ажлын 5 хоногийн дотор төлбөрийг шилжүүлэх.
12. Хэрэглэгч нь халаалт дулааны төлбөрөө 1 сараас дээш хугацаанд төлбөрөө барагдуүлаагүй тохиолдолд төлөгдөөгүй хугацааны алданги тооцож хэвлэл мэдээллийн хэрэгслээр зарлаж, шүүхэд нэхэмжлэл гаргах, дулаан хангах хэрэглээг зогсоох зэрэг төлбөрийг барагдуулах арга хэмжээ авах.